أبا الخيل:جامعه الامام عالميه +عشان ماتشوف حفره اختر رقم (10) شويه صور واخبار خفيفه !

أبا الخيل:جامعه الامام عالميه +عشان ماتشوف حفره اختر رقم (10) شويه صور واخبار خفيفه !

السلام عليكم ورحمه الله وبركاته
اسعد الله اوقاتكم بـ المسـرات
من تالي الاخبار صايرتن تضيق الصدر كلها سرقات
والا فضايح بالمستشفيات والدوائر الحكوميه الي
كشفت كميه الفساد لكن هـ المره ملفي غير ابي
اخليكم من تدخلون لين تظهرون والابتسامه شاقتن
وجيهكم مثل هالاطخم

ملفي الصحفي والمشكل والمقرقع به شي ان شاء الله انه يعجبكم ويوسع صدوركم
وبه اضافتن جديده اسمها سؤال واجابه فكره السؤال من وين جت ؟
تخبرون الجرايد من اول مخصصين صفحه
ل الكلمات المتاقطعه وفيه كذا اسئله وهيك ؟
قلت ازين مثلهم بس اطرح السؤال ونشوف
اجابات الاعضاء عشان يستفيدون وتصير
معلوماتهم زوينه وكويسه
بس ترو مابه جوايز يمكن بالايام الجايه ننزل جوايز
يلا خلاص بنطلع على الهواء ونقول لكم عناوين الاخبار

][ سؤال وأجابة ][

سؤال الملف لهذا الاسبوع :
ما الدولة العربية التى عملتها الأوقية ?

][ الاخبار بالتفصيل ][
أبا الخيل:يقول جامعه الامام عالميه

في رده عن سؤال أحد الطلاب المستجدين عن تصنيفها وفق المعايير الدولية
أبا الخيل: إذا لم تكن جامعة الإمام "عالمية" فمن هي "الجامعة العالمية"؟

سبق- الرياض: أكد مدير جامعة الإمام محمد بن سعود الإسلامية
الدكتور سليمان بن عبدالله أبا الخيل،
عالمية جامعة الإمام محمد بن سعود الإسلامية.
وقال في إجابته على تساؤل أحد الطلاب
حول الاعتراف بالجامعة عالمياً: "إذا كانت جامعة
الإمام ليست عالمية، فمن هي الجامعة العالمية؟".

من تالي كاثرتن طلعاته على التلفزيون
والجرايد ويصرح ويمدح كثير بالجامعه !
ياخوفي باتسر تطلع جامعه الملك سعود
وتقول العالميه صعبه قويه < مايقصد احد

جامعة بريطانية تصنع بساطاً سحرياً يستطيع الطيران
تخبرون البساط الي كان طايرن فيه عبدالحسين عبدالرضا وسعاد عبدالله ؟
هذا طول الله عمركم مثله بس هذاك تسذب والي مخترعينه البريطانين صدز !

هذا تبع عبدالرضا وسعاد عبدالله

وهذا الي صنعوه البريطانين !

والخبر بـ اختصار يقول !
نجح باحثون في ابتكار بساط "سحري" مصنوعٍ
من البلاستيك، صنعوه في مختبرات جامعة "برينستون"
البريطانية، حسبما ذكرت شبكة "بي بي سي".
والمشروع السحري عبارة عن بساطٍ صغيرٍ بطول
عشرة سنتيمترات من النسيج البلاستيكي الشفاف الذكي
الذي يتحرّك بفعل موجات من التيار الكهربائي تدفع جيوباً
صغيرة جداً من الهواء من الأمام إلى الخلف ومن تحت البساط.

بالفيديو : اوباما لابسن حفاظ بامبرز
صور لأوباما يرتدي الحفاض تثير غضب سكان نيو أورلينز !
وخذتهم الحميه ضد مع رئيسهم ورابطو يومين قدام بيت الرجال !
عششان يشيل الصوره !
< لو انا مذيع واقراء الاخبار تسذا كان مطرود من بدري
مقطع الفيديو ومشاهده ممتعه

][ صوره وتعليق ][
موظف "ساهر" وهو "يشااااخر"

سيارة كاميرا «ساهر» كما رصدت أمس على طريق
الحرمين في جدة وبداخلها الموظف المختص «مرتاحا».
(تصوير: حسين هزازي ــ «عكاظ»)
كـني بـ هزازي عويناته تخطف من قبل ساهر
ب كيلو ويقنصه ويهبله صوره

مرشح:عشان ما تشوف حفره .. أختر الرقم عشره

خطير يابو زهره وهذا نوعيه من الي حتسى عنهم مدمن في موضوعه

][ صيد الفيديو ][
أراء السعوديين على سواقه الحريم
وثقافه الحوار السعوديه بطريقه طاش
ناصر القصبي وعبدالله السدحان في احدى الحلقات
يوصفون طريقه الحوار والنقاش على الطريقه السعوديه !
بين واحدن يبي الحريم يسوقن والثاني يرد بعقلانيه !
وعن الحتسي الواجد شوفو الفيديو

صراحه كلام عبدالله كله صحيح لا بنيه تحتيه ولا شوراع
زينه ولا مرور بالتفتيش يتعاملون معاك زين!
وبعدين وراء كل ماتمر من عند
نقطه تفتيش يسئلك العسكري : وين رايح ؟!
وفوق ذا دايم اليا تناقشنا لازم هواش ونبداء الحوار بحكه الظهر

ألى هنا ينتهي ملفي الصحفي لـ هذا اليوم ونزلته
هالوقت عششان بالدوام النت عطلان ولسه ماصلحوه

اتمنى ان تكون اخباري خفيفتن على قلوبكم كما خفه الريشه !
ولاتنسو تجاوبون على السؤال يمكن من الاسبوع الجاي يصير به جوايز !
بس ان شاء الله نلقى راعي لـ هالاسئله يمول الجوايز
جوايز = جوائز

حبيت اسوي تغيير بـ عرض الاخبار يعني نجيب شين زوين !

ان شاء الله جازت لكم اخباري

اخوكم / سلطان البلوي

http://www.nawafnet.ws/msg-4838.htm